Shirkada baarbuurta kiraysa ee Hertz ayaa joojinaysa heshiiska ay Uber/Lyft oo u ogolaanaya darawalada Uber iyo Lyft ee magaalooyinka Mataanaha ah in ay wataan baabuurtooda hadii gaarigooda shil galo.
afhayeenka Uber Josh Gold ayaa ku sheegay email uu diray Isniintii.”Maadaama aan joojinayno hawlgallada Magaalooyinka Mataanaha ah, Hertz waxay joojinaysaa barnaamijkooda waxayna la xiriirtay darawallada si ay uga codsato inay bilaabaan soo celinta baabuurta,”.
Uber waxay sheegtay inay ka baxayso magaalooyinka mataanaha ah, Lyft dhankeeda waxay sheegtay inay ka baxayso Minneapolis 1-da May marka uu dhaqan galo sharciga cusub ee Minneapolis ee darawalada siinaya mushaarka ugu yar. Shirkadaha rideshare ayaa sheegaya in mushaharka uu yahay mid aad u sarreeya oo aysan ku shaqeyn karin.
Hert ayaa emailo u dirtay darawalada magaalooyiinka mataanaha ah una sheegtay inay u baahan yihiin inay baabuurta ku celiyaan xarumaha baabuurta Herz laga kiraysto ee St. Paul iyo Brooklyn Center.
Shirkada Lyft ayaa sheegay in darawaladu baabuurta soo celinayaan ugu danbayn Abriil 24keeda.
Darawalada Uber iyo Lyft ayaa isku dayaya in dhankooda ay samaystaan Rideshare app oo darawalda leeyihiin. Waxay doonayaan in ay buuxiyaan shaqadii Uber ay u qabanaysay. Waxaa kale oo iyana jira shirkado kale oo yar yar oo doonaya in ay ka faa’idaystaan fursadaan cusub.
Mustafe oo ah ganacsade Soomaaliyeed ayaa la yimid shirkada Hichs oo ka howl gasha Kanada. Wuxuu sheegay in uu samaynayo ganacsi ku dhisan damiir. Darawaladu waxay bixinayaan $200 bishii ama $10 maalintii, waxa ay shaqaystaana iyaga ayaa lahaan doona si buuxda, sida uu noo sheegay Mustafa oo ah agaasimaha shirkada Hichs.
Dagaalka u dhaxeeyo shirkadaha Uber/Lyft iyo darawalda ayaa ah mid sii socon doona ugu yaraan dhawrka bilood ee nagu soo aadan.
