Guddiga dugsiyada dadweynaha Minneapolis, ayaa habeenka isniinta November 27, 2023 iwarayso shaqo la yeelan doona qofka ugu horeeya ee labada qof ee ku soo baxay tartanka shaqada Kormeeraha guud ee dugsiyada dadweynaha Minneapolis.
Sonia Stewart, oo hadda ah ku xigeenka kormeeraha guud ee Hamilton Public Schools ee Chattanooga, Tenn., waxay la kulmi doontaa dadweynaha laba jeer oo ah kulan-iyo-salaan ka hor inta aysan ka jawaabin su’aalaha guddiga dugsiyada dadwaynaha Minneaplis laga bilaabo 6:30 ilaa 8:30 p.m. Wareysiga, oo lagu qabanayo Xarunta Davis ee ku taal W. Broadway Ave. ayaa u furanDadwaynaha si toos ahna waa loo tabinayaa.
Musharaxa kale, Lisa Sayles-Adams, waxay ay salaami doontaa dadweynaha waraysiga shaqana laga qaadi doonaa maalinta Arbacada. Sayles-Adams waa maamulaha dugsiyada Eastern Carver County.
Shaqada Stewart waxaa ka mid ah 13 sano oo ay ka shaqaynaysay dugsiyada Nashville, Tenn., Halkaas oo ay uga soo shaqeysay maamule dugsi sare, hogaan waaxeed, macalin dhigta xisaabta, tababaraha kubbadda koleyga, ka dibna sarkaalka fulinta ee horumarinta hay’ada ee degmada.
Sannadkii 2020, waxay ku biirtay Dugsiyada Dadweynaha Degmada Hamilton iyadoo noqotay kormeere bulsho, iyada oo kormeeraysay dhawr dugsi oo ardayda saboolka ahi dhigtaan. Qiyaastii laba sano ka dib, waxay u wareegtay doorka ku xigeenka kormeeraha degmada, kaas oo u adeega 44,000 arday oo dhigata ku dhawaad 80 dugsi oo ku kala baahsan dhulka metro, iyo xaafadaha fog-fog.
Waxay shahaadada doctorate-ka ee waxbarashada ka haysataa Jaamacadda Vanderbilt.
Labada kormeere ee kama-dambaysta ah ayaa la magacaabay todobaadkii hore iyada oo la raadiniyay in ka badan sanad. Kormeeraha ku meel gaadhka ah Rochelle Cox ayaa hogaaminaysay degmada ilaa Luulyo 2022.
Cox iyo kormeeraha guddiga dugsiyada dadwaynaha Minneapolis Sharon El-Amin ayaa labaduba bogaadiyay labada musharax ee u soo baxay finalka inay yihiin musharraxiin adag oo hogaamin doona degmada oo ay dhigtaan 28,000 oo arday, oo hadda ah dedmada 4aad ee ugu weyn gobolka Minnesota.
Hogaamiyaha cusub waxay u badan tahay inuu wajihi doono go’aamo adag: Dugsiyada Dadweynaha Minneapolis waxay ayay haysataa dhaqaale yari xoogan oo soo socota iyo qorshe isbeddel ah oo ay ku jiraan xidhitaanka iyo isku darka iskuulada qaarkood.
Guddiga dugsiyada dadwaynaha Minneapolis ayaa kulmi doona Jimcaha si ay u doortaan musharraxa kama dambaysta ah, taariikhda uu qofka soo baxo bilaabi doono shaqada ayaa la go’aamin doonaa ka dib marka go’aan laga gaaro kunturaada lana ansixiyo.
