Aaron Bushnell oo 25 jir ah ayaa ku dhintay cisbitaalka kadib markii uu isku gubay afaafka hore ee safaaradda Israa’iil ee magaalada Washington,D.C., Axaddii. Waxaa uu sheegay in uu isu gubayo xasuuqa Israel ku hayso Falastiiniyiinta Gaza awgeed.
Bushnell wuxuu ka tirsanaa Ciidanka Cirka ee Mareykanka wuxuuna saldhigiisu ahaa San Antonio, Texas. Waaxaa u dhintay dhawaaca ka soo gaaray gubashada sida ay sheegeen Bilayska.
Sirdoonka Mareykanka ayaa sheegay in ay ku howlanaayeen baaritaanka warark sheegaya in shaqsi qaba xaalad degdeg ah oo caafimaad ama maskaxeed. Bilayska deegaanka ayaa goobta soo gaaray qiyaastii 1-dii duhurnimo
Bushnell ayaa ku sheegay Barta bulashada ee Twitch in uu is gubayo.
Bushnell waxa uu muuqaalka uu ku sheegay in “uusan mar dambe lug ku yeelan doonin xasuuqa.” Ka dib markii uu sku gubay afaafka hore ee safaaradda Israa’iil, Bushnell ayaa si toos ah loo daawanayay wuxuuna ku qaylinayay “Free palastine” “Falastiin xor ah!”
Dabka waa la damiyay, Bushnell oo dhaawacyo halis ah qabana waxaa loola cararay cusbitaalka sida ay sheegeen DC Fire iyo EMS.
Safaaradda Israa’iil ee D.C. ayaa sheegtay in shaqaalaheeda wax dhibaato ah aysan soo gaarin.
Twitch ayaa muuqaalka fiidiyooga hawada ka saartay.
Dhacdadan ayaa waxaa hadda baaraya booliska deegaanka, ciidanka sirdoonka iyo xafiiska khamriga, tubaakada, hubka iyo walxaha qarxa. Booliska deegaanka ayaa sheegay in muuqaalkan uu qeyb ka yahay baaritaankooda. Ciidamada Cirka ee Maraykanka ayaa sheegay inay bixin doonaan macluumaad dheeraad ah maalinta soo socota ka dib marka la ogaysiiyo xigtada.
Bushnell waxa uu si mutadawacnimo ah ula shaqaynayey San Antonio Care Collective si uu taageero ugu fidiyo dadka aan degenayn magaalada, Lupe Barboza oo ka tirsan ururka daryeelka ayaa u sheegay Raadiyaha Dadweynaha Texas.
Maalmo ka hor dhimashadiisa, Bushnell waxa uu qoray dardaaran uu ku faahfaahinayo rabitaankiisa wuxuuna la wadaagay saaxiibadiisa.
