Askari ka tirsan ciidamada ilaalada Minnesota ee loo yaqaan State Trooper ayaa lagu soo oogay saddex dambi, oo uu ku jiro dil, ka dib markii uu toogasho ku dilay Ricky Cobb II oo gaari ku watay waqooyiga Minneapolis.
Xeer Ilaaliyaha Degmada Hennepin Mary Moriarty ayaa Arbacadii ku dhawaaqday go’aanka ah in sadex dacwadood lagu soo oogayo Ryan Londregan. Dacwadahaan ayaa kala ah dil aan ula kac ahayn oo darajada 2aad ah, ku xadgudub darajada 1aad ah, iyo dil toogasho loo gaystay Cobb oo 33 jir ah. Toogashada ayaa dhacday July 31keeda kana dhacday Plymouth. Cobb ayaa lagu istaajiyay qiyaastii 2adii subaxnimo wadada gobolada iskaga gooshta ee 94 sababtoo ah nalka danbe ee gaarigiisa ma shaqaynaynin.
Kadib markii ay joojiyeen Cobb, ciidamada ayaa ogaaday in uu jabiyay amar maxkameed oo ka soo baxay Ramsi County.
Eedeymaha ka dhanka ah Londregan, oo 27 jir ah kana shaqaynayay nabad sugida mudo ka yar labo sano ayaa qaadatay in ka badan afar bilood kadib markii xarunta Minnesota Bureau of Criminal Apprehension ay natiijada baaritaanka ay sameeyeen ku wareejiyeen xeer ilaaliyaha degmada Hennepin Moriarty.
“Sida laga doonayo dhammaan saraakiisha sharci fulinta ee Minnesota, askarta gobolku waxay isticmaali karaan awood kaliya marka ay lagama maarmaan noqoto sida in qof laga ilaaliyo khatar gaar ah oo la garanayo oo dhaawac weyn oo jidheed ama dhimasho keenaysa taasoo suurta gal ah inay dhacdo,” Moriarty ayaa ku tiri shir jaraa’id. “Khatartaasi kama aysan jirin kiiskan. … Ricky Cobb II inuu noolaado ayay ahayd maanta.”
Moriarty waxay sheegtay in ciidammadu ay maalin kasta joojiyaan baabuurta iyada oo ay dhibaato dhicin tababar fiicana way qaataan “Askariga Londregan ma uusan raacin tababarkii la siiyay” ayay tiri.
Londregan wuxuu noqday tababare ciidan bishii Febraayo 2021 waxaana la magacaabay toddobo bilood ka dib, sida ku cad faylka shaqaalaha dadweynaha. Waxa uu galayaa fasax mushaarkiisa u soconayo ilaa dacwadaan bilaabanaysa isniinta laga soo gabagabeeyo.
